Sou küert dei Lüe2018-10-11T02:40:24+00:00

Plattdütsck an´r westfölscken Portn

Küert „Plattdütsck“!

Sou lange os et Dißeln gifft,
Sou lange gifft et Buern;
Dat ein´van beiden liggen blisst,
Doa kannste lange luern!

Doa neulich seggt min Fründ, die Lähr´r:
„Och, plattdütsck küern giff´t bol nich mehr,
Dat es wat för´t Museum!“
Dat hät mi wahne upebrocht
Dat wick eis seihn – doa, hät mi docht,
Doa gifft nau wat tau retten. –
Diu wutt met düssen lütcken Bauck,
Met Sprüecken un Verstellckens äock;
In ollen Hüsern up und al
In dien´m Heimoatlanne moal
„Plattdütsck“´n Mahnmoal setten!

Sou lange os nau Buern sind
In iusen Min´er Lanne,
Sou lange küert un spräckt wi platt
Un dat es neine Schanne!

An´r Westfölscken Portn!
Nao Dr. Bensen

Dei Sünne schint joa öwerall,
´t es kloar, man blouß an´n Doage.
Dat es bi us an´n schüönsten es,
Dat es goar keine Froage.

Wou schint woll in´r ganzen Welt
Dei leiwe Sünne heller?
Wou hewwet olle wi sou leiw
Use Wiäserbarge un Feller!

Kieck usen Wauld, die Barge an,
Use Eicken und dei Beucken;
Dat diu sou´n Land eis weer sühst,
Doa kannste lange säucken!

Jao, use leiwe westfölscket Land
höllt Godd in sienen Hännen
Un wat äuck jümmer komen mag,
hei werd´t tom Besten wennen.

Wenn use Landslüe biutn sind,
Wou geern komt sei woll trügge
Un freut sick wenn se dei Porta seiht
Un dei äole Wiäserbrügge!

Die Texte stammen aus dem Buch „Sou küert dei Lüe an´r westfölscken Portn!“ von Ernst Heinrichs.
Ein plattdeutsches Heimat- und Bilderbuch
Druck: Westfälische Neueste Nachrichten, Minden i. W., 1936